കവിത
അറിയാതെ....
ജിജി .വിസി. ഉ/ീ.വി.ജയന്, മാനേജര്, ഹെഡാഫീസ്
അറിയാതെ ഞാനെന്റെ ആത്മാവിന്
ഉള്ത്തുടിപ്പുകള് തിരയുകയായ്
ഏകാന്തതയുടെ ആ നിശബ്ദത
എന്നെ തഴുകുമ്പോഴും
എഴുതാപ്പുറങ്ങളിലെ വാക്കുകള്
ഞാന് മായ്ക്കുമ്പോഴും
എന്റെ മനസ്സ്, ഞാന് പോലുമറിയാതെ
ആരെയോ തേടുന്നു...
കഴിഞ്ഞുപോയ കാലത്തിന്
ഇരമ്പലുകള് ഞാനെന്തേ കേട്ടില്ല.
മഴതന് സ്വപ്നംപോലെ
എന്തേ എന് സ്വപ്നങ്ങള് ചിതറിയുടഞ്ഞു.
ഉടഞ്ഞുപോയ സ്വപ്നങ്ങളൊക്കെയും
പെറുക്കിയെടുക്കുവാന് എന്തേ ഞാന് മറന്നു
ആ സ്വപ്നങ്ങളൊക്കെയും ഒലിച്ചുപോയോ
അതോ വീണ്ടും മുളച്ച്
മറ്റൊരു മഴയായിത്തീര്ന്നോ
അറിയില്ല എനിക്കൊന്നുമറിയില്ല
No comments:
Post a Comment